«Taldyqorǵan – Óskemen» avtojolyn qaıta jańartý jumystary qashan aıaqtalady

<p>ASTANA. KAZINFORM &ndash;<strong> &laquo;Taldyqorǵan &ndash; Óskemen&raquo; avtojolynyń qaıta jańar</strong><strong>t</strong><strong>ý jumystaryn 2024 jyldyń sońyna deıin aıaqtaý josparlan</strong><strong>yp otyr.</strong></p>

«QazAvtoJol» ulttyq kompanııasy uzyndyǵy 768 shaqyrym «Taldyqorǵan – Óskemen» avtojolynyń qaıta jańarý jumystaryn jalǵastyryp jatqanyn málim etti. Bul joldyń 58 shaqyrymy І-b sanatyna, al 710 shaqyrymy ІІ sanatqa jatady. Qazirgi tańda 748 shaqyrymǵa jańa asfaltbeton jabyny tóseldi.

Qaıta jańarýdan ótip jatqan «Taldyqorǵan – Óskemen» avtojoly úsh oblysty qamtıdy: Jetisý, Abaı jáne Shyǵys Qazaqstan. Joba aıasynda 81 kópir men jol ótkelderin, sondaı-aq 521 sý ótkizgish qubyrlaryn salý josparlanyp otyr. 

Foto: QazAvtoJol" UK

Sonymen qatar joba aıasynda sanıtarlyq-gıgıenalyq qurylǵylary bar demalys oryndaryn soǵý qarastyrylǵan. 2023 jyly Taldyqorǵan qalasynan Abaı oblysyna, Qarakól aýylynan Aıagóz jáne Óskemen qalalaryna deıin qaýipsiz qozǵalys qamtamasyz etildi. 2023 jyldyń qorytyndysy boıynsha 87,3 shaqyrym (90 shaqyrymnan) aınalma joly alynyp, 127 shaqyrymǵa tómengi qabat tóseldi. 2024 jyldyń basynan beri 35 shaqyrym asfaltbeton jabyny tóseldi nemese 45 myń tonna asfaltbeton. 

Foto: QazAvtoJol" UK

Qazirgi tańda qýattylyǵy 2,4 myń tonna/saǵ-tan asatyn 12 asfaltbeton zaýyty jáne 2,3 myń tonna/saǵ 9 usaqtap irikteıtin zaýyt mobılızatsııalanyp, 861 birlik tehnıka men 1312 adam jumyldyryldy.

2024 jyldyń qorytyndysy boıynsha negizgi jolda qolaıly jáne qaýipsiz qozǵalysty qamtamasyz etip, jobany aıaqtaýdy josparlanyp otyr.