Taldyqorǵan: Qyzyltas petroglıfteri memleket qorǵaýyna alyndy

<p>TALDYQORǴAN. KAZINFORM &ndash; Jetisý oblysyndaǵy Qyzyltas petroglıfterin jergilikti mańyzy bar qorǵalatyn tarıhı-mádenı nysandar tizimine engizý týraly taqta ornatyldy.</p>

Ekologterdiń bastamasymen «Tasbaqa» tas pen jartastaǵy petroglıfterdi saqtaý úshin aýqymdy jumys atqaryldy. Petroglıfter turǵan jerlerde dıorıt óndirýge tyıym salynǵan.

Foto: Jetisý oblysy ákimdigi

Sondaı-aq, tarıhı orynda «Qyzyltas – tasbaqa» ekologııalyq aktsııasy uıymdastyryldy. Sharaǵa sheneýnikter, qoǵam belsendileri, eko-eriktiler qatysty.

Foto: Jetisý oblysy ákimdigi

«Mundaı is-sharalar óskeleń urpaqtyń týǵan ólkeniń tabıǵaty men tarıhyna degen súıispenshiligin, jer aldyndaǵy jaýapkershiligin jáne adamdardyń ekologııalyq saýattylyǵyn arttyrady», - deıdi «Qazaqstan stýdentter Alıansy» Jetisý oblysy boıynsha fılıalynyń tóraǵasy, ekovolonter Eskendir Amandos.

Eske sala keteıik, buǵan deıin Taldyqorǵandaǵy saıabaqtan jeke tulǵalarǵa zańsyz berilgen jer memleketke qaıtarylǵanyn jazǵanbyz.