Taldyqorǵan bazarynda saýda ornyn jaldaý qunyna baılanysty daý týyndady

<p>TALDYQORǴAN. KAZINFORM &ndash; Taldyqorǵandaǵy saýda oryndarynyń birinde shý shyqty. Atap aıtqanda, saýdagerler oryndy jalǵa alý quny qymbattaǵanyna narazy.</p>

Saýda ornynda shamamen 5 myńǵa jýyq kásipker bar. Olar buǵan deıin aı saıyn 44 600 teńge tólep kelipti. Endi bul aqy on paıyzǵa ósken.

«Unamaı ma, onda oryndy bosat. Basqa adam tabylady», — deıdi. Biz bala-shaǵamyzdy osy bazarmen asyrap otyrmyz. Qazir saýda da joq. Bir zat, eki zat satsaq, táýba deımiz. Nege oryndy qymbattatady? Bizge múldem jaǵdaı jasalmaǵan. Tipti, dárethana aqyly. Kóktem men kúzde jańbyr jaýsa, tóbeden sý aǵyp, muz qatady. Ony tazalap jatqan eshkim joq. Júrý tipti múmkin emes. Sonda ne úshin baǵany kóteredi?» — deıdi Dınara Ysqaqova.

Al bazar basshysy bolsa, «tarıftiń kóterilýine belgili bir sebepter bar» degendi alǵa tartady.

«4 jyl arenda kóterilgen joq bolatyn. Inflıatsııa bar, kommýnaldyq tólemder kóterilip jatyr, bilesizder. Sol sebepti, osyndaı sheshim qabyldap otyrmyz», — deıdi Serik Quljabekov.

Foto: Mıras Anıtov

Jergilikti bılik ókilderi saýdagerlerdiń bazynasynan habardar. Bazarǵa kelip, narazy toppen kezdesti. 

«Sizderdiń aralaryńyzda ózara kelisimshart bar. Sol kelisimshart negizinde sotqa baryp sheshseńizder bolady», — dedi qalalyq kásipkerlik bóliminiń basshysy Mıras Ahmetsapa.

Aıta keteıik, saýdagerler arasyndaǵy narazylyq naýryz aıynyń basynda týyndaǵan edi. Olar o bastaǵy talaptarynan qaıtar emes. Eger is munymen bitpese, «sotqa aryzdanamyz» dep otyr.