«Taldyqorǵan - Balpyq bı» baǵytyndaǵy qoǵamdyq kólikter aıaldamasyz qalýy múmkin

<p>TALDYQORǴAN. KAZINFORM - &laquo;Taldyqorǵan-Balpyq bı&raquo; baǵytynda júretin gazel júrgizýshileri&nbsp; jekemenshik&nbsp; avtobekettiń aýmaǵyna toqtaıdy. Jýyrda kásipker qyzmet qunyn ósiretinin aıtqan. Jolaýshylar tasymalymen aınalysatyn kompanııadaǵylar&nbsp; bul sheshimmen&nbsp; kelispeıdi. Al beket ıesi sotqa júginbekshi.</p>

Balpyq bı aýyly oblys ortalyǵynan 20 shaqyrym jerde ornalasqan. Shaǵyn eldi mekennen qalaǵa qatynap jumys isteıtin azamattar, stýdentter barshylyq. Eki ortadaǵy baǵytta jolaýshy tasymalymen «Aq-Nur» jaýapkershiligi shekteýli seriktestigi aınalysady. Shamamen kúnine 20-25 gazel júredi. Al aıaldama avtobekettiń aýmaǵynda. Jýyrda kásipker ár júrgizýshiden aı saıyn 15 myń teńgeden tólem qabyldaıtynyn aıtqan. 

Foto: Aıbek Quttybek/Kazinform

«Osy jumysta júrgeli 10 jyl boldy. Taldyqorǵanǵa kúnine 2 ret baramyz. Jol aqysy – 300 teńge. Tańerteń jumys, sabaq ýaqytynda adam kóp, tús kezinde bos ketetin kezimiz bar. Avtobeketke árqaısysymyz kúnine 200 teńgeden tóleımiz. Tabysymyz kúndelikti jan baǵýǵa jetedi. Myna turaqtyń aqshasyn kótermekshi, oǵan eshkimniń qaltasy kótermeıdi. Júrgizýshiler onsyz da áreń jandaryn baǵyp otyr», - deıdi gazel júrgizýshisi Erkinbek Bazarbek.

Kásipkerler kelisimshartqa otyrmaǵan. Óıtkeni biri qyzmet sapasyna, ekinshisi baǵasyna kelispeıdi. «Aq-Nar» kompanııasynyń ókili kezinde bul aýmaq ortaq maqsatta paıdalanatyn jer bolǵanyn aıtady. Quzyrly organnan jekemenshikke qalaı ótip ketkenin tekserýdi talap etedi. 

Foto: Aıbek Quttybek/Kazinform

«Qujat boıynsha bular jerdi alyp alǵan. Aınalasyn bárin alyp alǵan. Mashınalardy endi kirgizbeımiz dep otyr. Buryn 10 metrdeı me avtobýstyń toqtaıtyn jeri bolǵan. Jolaýshylar otyratyn. Al basqa jer ortaq maqsatta paıdalanatyn jer bolǵan. Endi «1 qarashaǵa deıin ruqsat beremiz, odan keıin kirgizbeımiz» deıdi. Ne sebepti desem, «Bizben kelisimshartqa otyrmadyńyz» deıdi. Otyraıyq desek, bul avtovokzal emes, qujatynda avtostantsııa bolǵanymen biraq avtostantsııa retinde eshteńesi joq. Avtobeket joq bolsa da, biz avtoturaqqa aqshasyn tóleıik, bir somaǵa keliseıik desek, joq, bular «15 myńnan túspeımiz» deıdi», - dedi «Aq-Nar» JShS dırektorynyń orynbasary Kúnsulý Bıkeshova. 

Foto: Aıbek Quttybek/Kazinform

«Bul – bizdiń jekemenshik jer. Sol jerden «Aq-nar» ózderi jolaýshy tasmaldap jatyr. Biz bul avtobeketti nesıege satyp aldyq. Bizde de kredıt tóleıtin qarjy jetpeı jatyr. Sol sebepti qyzmet qunyn kótermekpiz. Eger baǵaǵa kelise almasaq, sotqa júginemin», - deıdi avtobeket ıesi Abaı Qatash.

Kóksý aýdandyq ákimdiginiń qyzmetkerleri qoǵamdyq kólik aıaldamasyna beretin basqa jerimiz joq deıdi. Al avtobeket aýmaǵyndaǵy jerge qatysty kásipker shaǵymymen tekseris júredi dep sendirdi.

Eske salaıyq, buǵan deıin Tekeli qalasynda jumyssyz qalǵan avtobýs júrgizýshileri jaıly jazǵanbyz.