Taldyqorǵanda mas bolyp kólik júrgizgen qyz júktimin dep sotty aldady

<p>Taldyqorǵanda mas bolyp kólik basqarǵan jas qyzǵa qatysty tergeý bastaldy, dep habarlaıdy <a href="https://kaz.inform.kz/" target="_blank" rel="noopener">Kazınform</a>.</p>

Jaqynda kólikti mas kúıinde basqarǵany úshin ustalǵan Taldyqorǵan qalasynyń 24 jastaǵy turǵyny sotqa júktiligi týraly jalǵan medıtsınalyq anyqtama usynǵan.

Osylaısha boıjetken ákimshilik quqyq buzýshylyq úshin Qazaqstan zańnamasynda kózdelgen jazadan qutylmaq boldy.

Jalǵan qujatty paıdalaný arqyly sotty aldaý faktisi prokýrorlyq tekseris barysynda anyqtaldy.

Esterińizge sala keteıik, jaqynda patrýl polıtsııa qyzmetkerleri qatty mas kúıinde Haval kóligin júrgizip kele jatqan 24 jastaǵy qyzdy ustaǵan.

Medıtsınalyq saraptama qyzdyń mas bolǵanyn rastady. Oǵan QR ÁQBtK 608-baby boıynsha hattama toltyryldy.

Bul baptyń sanktsııasynda 15 táýlikke qamaýǵa alý jáne 7 jylǵa júrgizýshi kýáliginen aıyrý jazasy qarastyrylǵan.

Alaıda sotta ol qamalý jazasynan qutylý maqsatynda júktiligin rastaıtyn medıtsınalyq anyqtama usyndy.

Ákimshilik jazadan jaltarý áreketi qyzdyń jaǵdaıyn odan ári qıyndatyp jiberdi, endi ol qylmystyq zańnamaǵa sáıkes jaýapkershilikke tartylady.

Bul fakti boıynsha QR Qylmystyq kodeksiniń 385-babynyń 3-bóligi boıynsha sotqa deıingi tergeý bastaldy,.

Ol bap ta asa iri kólemde aıyppul salý, túzeý jumysyna ne qoǵamdyq jumysqa tartý, nemese 40 táýlikke deıin qamaýǵa alý jazasy qarastyrylǵan.