Talapty buzǵan karantındegi úı turǵynyna qandaı jaza qoldanylady
«Karantın erejesin saqtamaǵandarǵa ákimshilik jáne qylmystyq jaýapkershilikti qatańdatý týraly bastama qaralýda. Naqty qandaı sanktsııalar bolady jáne ol qashan kúshine enetinin naqty aıta almaımyn. Jaqyn kúnderi bul týraly sheshim qabyldanady. Sanktsııalardy kúsheıtý kerek ekenin, biraq dál qazirgi jaǵdaıda sheshim qabyldaý tıimdi emetigin bárimiz túsinýimiz qajet», - deıdi QR Ádilet mınıstri Marat Beketaev.
Sondaı-aq, ol Almaty qalasynyń ishinde qozǵalysqa shekteý qoıylǵanyna qatysty aıtyp ótti.
«Qala ishindegi qozǵalysqa qatysty qosymsha shekteý týraly aıtatyn bolsaq, Almatyda koronavırýs jaǵdaılary anyqtalǵan turǵyn úılerdegi qozǵalys shektelgenin bilemiz. Syrtqa shyǵýǵa tyıym salynǵan turǵyn úılerden shyǵyp ketkender úshin qandaı shara qoldanylatynyn qazir boljaý múmkin emes. Sebebi naqty qandaı ereje buzýshylyq bolǵany anyqtalǵan kezde ǵana sanktsııa qabyldanady. Ereje buzýdyń saldary qandaı bolǵanyna qaraı ákimshilik aıyppuldan bastap, qylmystyq jaýapkershilikke tartylady. Bekitilgen erejelerge jaýapkershilikpen qaraýdy suraımyz. Sebebi dúkenge shyǵyp kelýińizdiń ózi aınaladaǵy adamdarǵa qaýip tóndirýi múmkin. Ol sizdiń qaýipsizdigińiz ǵana emes, aınalańyzdaǵy adamdardyń da qaýipsizdigine qatysty másele», - deıdi ol.