Talapkerler úshin durys tańdaý jasaý mańyzdy - BǴM
Mınıstrliktiń málimdeýinshe, Qazaq eńbek jáne áleýmettik qatynastar akademııasynda da belgili bir daıyndyq baǵyttary boıynsha bilim berý qyzmetin júrgizý quqyǵyna beriletin lıtsenzııaǵa qosymshalardyń qoldanylýy bir aıǵa toqtatylǵan (04.06.2020 j. bastap zańdy kúshine enedi).
Sonymen qatar Almaty qalasynyń mamandandyrylǵan aýdanaralyq ákimshilik sotynyń sheshimimen Shet tilder jáne iskerlik karera ýnıversıteti «Gýmanıtarlyq ǵylymdar», «Jaratylystaný ǵylymy pánderi boıynsha muǵalimderdi daıarlaý», «Pedagogıka jáne psıhologııa» sııaqty daıarlaýdyń birneshe baǵyty boıynsha lıtsenzııaǵa qosymshalarynan aıyryldy (08.06.2020 j.bastap zańdy kúshine enedi).
Al, qaıtalap júrgizilgen memlekettik baqylaý nátıjesi boıynsha 2020 jylǵy 18 mamyrda D. A. Qonaev atyndaǵy Eýrazııalyq zań akademııasynda lıtsenzııaǵa qosymshalardyń qoldanysy bir aıǵa toqtatyldy (29.05.2020 j. bastap zańdy kúshine endi).
«Budan deıin habarlaǵanymyzdaı, 2021 jyldan bastap bilim týraly jeke úlgidegi qujattardy berý normasy engiziledi, ıaǵnı, memlekettik úlgidegi dıplomdar bolmaıdy. Dıplomdar is júzinde joǵary oqý ornynyń tabystylyǵy men tanymaldyǵyn kórsetetin bolady», delingen habarlamada.
Osy oraıda talapkerler mynadaı aspektilerge nazar aýdarǵany jón:
– joǵary oqý ornynyń QS álemniń úzdik JOO reıtingisinde jáne «Atameken» UKP júrgizetin bilim berý baǵdarlamasy reıtıngisinde alatyn orny;
– JOO-nyń mártebesi men akademııalyq bedeli;
– usynylatyn bilim berý qyzmetiniń sapasy.
Kadrlardy daıarlaýdyń ózekti baǵyttary men túlekterdiń jumysqa ornalasýy týraly aqparatty «Atameken» UKP-nyń bilim berý baǵdarlamalaryn baǵalaý qorytyndysy boıynsha jasalǵan reıtıngisin paıdalana otyryp, alýǵa bolady. Reıtıng «Atameken» UKP men QR Bilim jáne ǵylym mınıstrliginiń resmı saıttarynda ornalastyrylǵan.