Talapkerler grantynyń tizimi búgin jarııalanady

<p>ASTANA. KAZINFORM &ndash; Memlekettik bilim granttaryn taǵaıyndaý jónindegi respýblıkalyq komıssııa óz jumysyn aıaqtady. Grant ıegerleriniń tizimi 3 tamyzda jarııalanady. Bul týraly Ǵylym jáne joǵary bilim mınıstri Saıasat Nurbek málim etti.</p>

Komıssııa quramynda QR Parlamentiniń depýtattary, memlekettik organdar, bilim salasy kásipodaqtarynyń, «Atameken» ulttyq kásipkerler palatasynyń, joǵarǵy oqý oryndary qaýymdastyǵynyń, qoǵamdyq uıymdardyń ókilderi boldy.

«Ári qaraı talapkerlerdiń UBT-da jınaǵan baldaryna jáne bekitilgen erejelerge sáıkes konkýrstyq negizde bilim berý granttary taǵaıyndalatyn bolady. Talapkerlerdiń basym bóliginiń tańdaýy «Pedagogıkalyq ǵylymdar», «Injenerlik, óńdeý jáne qurylys salalary» jáne «Aqparattyq-kommýnıkatsııalyq tehnologııalar» baǵyttaryndaǵy mamandyqtarǵa tústi», - dep jazdy mınıstr óziniń Telegram paraqshasynda.

Konkýrstyq irikteýdiń qorytyndysy QR Ǵylym jáne joǵary bilim mınıstrliginiń resmı saıtynda jáne Telegram arnasynda 3 tamyz kúni saǵat 11.00-de jarııalanady. Sondaı-aq Ulttyq testileý ortalyǵynyń Telegram arnasy men stýdentterge arnalǵan aqparattyq anyqtamalyq portal mapp.kz saıtynda ornalastyrylady.

Joǵary oqý oryndaryna qujattardy qabyldaý 25 tamyzda aıaqtalady.

Memlekettik bilim granty ıegerleriniń tizimi myna derekkózderde jarııalanady.