Talapker telefonyn UBT-ǵa alyp kirý úshin ony kekstiń ishine jasyrǵan

NUR-SULTAN. QazAqparat - Talapker ulttyq biryńǵaı testileýge kiretin kezde telefonyn kekstiń arasyna salyp alǵan, dep habarlaıdy QazAqparat.

Bul jaıynda ulttyq testileý ortalyǵynyń dırektory Rýslan Emelbaev Instagram paraqshasynda jazdy.

«Modem jáne uıaly telefon qosylǵan tátti desert. Kreatıvti testilenýshiler bizdi tańǵaldyrýdan jalyqpaıdy. Kezekti sýrette Sizderdiń nazarlaryńyzǵa kekstiń ishine tyıym salynǵan zattardy alyp kirgen talapkerdiń shyǵarmashylyq jumysyn usynamyn. Biraq onyń bul qýlyǵy bizdiń qyraǵy baqylaýshylardyń arqasynda júzege aspady» dep jazady ortalyq dırektory.

Sondyqtan oǵan kreatıvti jumysy úshin «140», al qańtar aıyndaǵy UBT nátıjesine «0» degen ball beriledi.

«Qurmetti testilenýshiler! Sizderge UBT-da smartfonǵa emes, tek óz bilimińizge senýge keńes beremin» deıdi Rýslan Emelbaev.