Talap sý qubyry men Presnov sý taratqyshynyń qurylysy 2023 jyly aıaqtalady
Otyrys barysynda mınıstr toptyq sý qubyrlarynyń qurylysyna qatysty baıandama jasaǵan edi,
«Josparlanǵan kórsetkishterdiń oryndalmaı qalýyna keı óńirde sý ótkizgishterdegi qurylys jumystarynyń uzaqqa sozylýy sebep bolyp otyr. Jaǵdaıdy túzeý úshin qandaı sharalar qabyldanyp jatyr?», - dep surady osy oraıda Úkimet basshysy Álıhan Smaıylov mınıstrden.
Serikqalı Brekeshevtiń dereginshe, 2019 jylǵa deıin qurylysy uzaqqa sozylǵan 9 nysan boldy. Sońǵy úsh jylda 6 nysannyń qurylysy aıaqtalǵan.
«Onyń ishinde 2019 jyly Qarajal, Syrdarııa men Maı toptyń sý qubyrlaryn iske qostyq. 2020 jyly taǵy eki nysan – Qaskeleńnen Jıdeli sý qubyrlaryn salyp bitirdik. Byltyr Presnov sý taratqyshynyń ekinshi kezeńin aıaqtadyq. Qalǵan úsh nysan boıynsha tıisti jol kartasy ázirlendi. Soǵan oraı bıyl Esqula sý qubyrynyń qurylys jumystaryn bitirýdi josparlap otyrmyz. Al qalǵan eki nysan – Talap sý qubyry men Presnov sý taratqyshynyń qurylysyn 2023 jyly aıaqtaý josparlanǵan», - dedi ol.