«Talgo» jolaýshylar poıyzyna tekserý kúsheıtiledi

ASTANA. QazAqparat - «Talgo» jolaýshylar poıyzdaryna profılaktıkalyq jáne baqylaý tekserýleri kúsheıtiledi, dep habarlaıdy QR IIDM baspasóz qyzmeti.

Naýryz aıynan jolaýshylar poıyzdaryna tekserý jumystaryn júrgizý jyljymaly quram jasaqtalatyn pýnktterden bastalady.

Keıingi 3 jylda jolaýshylar tasymaldaıtyn Patentes Talgo S.L. júrdek poıyzdarynda tehnıkalyq vagondardyń órtenýine qatysty 3 jaǵdaı tirkeldi

Keleńsiz oqıǵalardyń oryn alýyna jyljymaly quram ıeleriniń órtke qarsy qaýipsizdik erejelerin saqtamaýy sebep bolǵan.

2022 jyly QR IIDM Kólik komıtetiniń aýmaqtyq bólimsheleri órt qaýipsizdiginiń talaptaryna baılanysty 100-den artyq buzýshylyqty anyqtap, 2 mln teńgeden asa qarajatqa ákimshilik aıyppul salǵan.

Bıyl naýryzdan bastap jolaýshylar poıyzdaryna tekserý jumystaryn júrgizý jyljymaly quram jasaqtalatyn pýnktterde júzege asyrylyp, bul aqaýy bar vagondardyń reıske shyǵýyn aldyn alady.