«Taqtalastyń» avtory Djordj Martın ChatGPT jasaǵandardy sotqa berdi

<p><span style="font-family: sans-serif; font-size: 18px;">Amerıkalyq jazýshylar Djordj Martın men Djon Grıshem ChatGPT chat-botyna ıelik etetin OpenAI kompanııasyna qarsy sotqa shaǵym túsirdi, dep habarlaıdy QazAqparat <a href="https://www.bbc.com/russian/articles/c0dgdn8v8n7o" target="_blank" rel="noopener">VVS</a> agenttigine silteme jasap.&nbsp;</span></p>

Olar jasandy ıntellekti ázirleý jáne synaý kezinde avtorlyq quqyǵy buzyldy dep esepteıdi.

Martın — HBO tarıhyndaǵy eń tanymal serıaldardyń biri «Taqtar oıyny» túsirilgen «Muz ben ottyń áni» fantastıkalyq romanynyń avtory.

Grıshem Gollıvýd túsirgen «Fırma», «Birqazandar týraly is», «Klıent» jáne basqa da kóptegen bestseller romandardyń avtory.

Sotta aıtylǵandaı, ChatGPT algorıtmin jasaý kezinde ázirleýshiler ınternette qoljetimdi materıaldardyń úlken kólemin, sonyń ishinde avtorlyq quqyqpen qorǵalǵan kitap mátinderin paıdalanǵan. 

Olar OpenAI-di «[mazmundy] júıeli jáne kólemdi túrde urlady» dep aıyptaıdy.

Sotqa túsken shaǵymda jazýshylar Djonatan Franzen, Djodı Pıkolt jáne Djordj Sonderstiń esimi atalǵan.

OpenAI avtorlar quqyǵyn qurmetteıtinin jáne JI tehnologııasy sonymen birge jazýshylarǵa da paıdaly bolýy múmkin dep sanaıtynyn málimdedi.

Іs Manhetten federaldy sotyna joldandy. Sotta jazýshylardyń múddesin AQSh Avtorlar Gıldııasy qorǵaıdy.

Bul — alǵashqy is emes. Shilde aıynda aktrısa Sara Sılverman da sotqa osyndaı shaǵym túsirgen.