AQSh elshiliginiń qyzmetkerleri Taılaqty aǵylshynsha sóıletti

<p>&nbsp;Qazaqstandaǵy AQSh elshiliginiń qyzmetkerleri qazaqtyń birneshe klassıkalyq kórkem fılminiń fragmentterin aǵylshyn tiline aýdaryp kórdi, dep habarlaıdy <a href="Kazinform" target="_blank" rel="noopener">Kazinform</a>.</p>

«Qazaqstannyń Táýelsizdik kúni qarsańynda AQSh elshiliginiń qyzmetkerleri klassıkalyq qazaq kórkem fılmderimen tanysyp, olardy aǵylshyn tiline aýdaryp kórgisi keldi. Súıikti fılmderińizdiń aǵylshyn tilindegi tolyq nusqasyn kórgińiz kele me?» — dep jazylǵan elshiliktiń áleýmettik jelidegi paraqshasynda.

Máselen, aǵylshynsha aýdarmada «Taqııaly perishte» fılmindegi Taılaqty — Lucas, Bıshi qyzdy — Lola, Syrlybaı bıdiń sózin — Colin, Ermek Serkebaevty — Johnibek, Oraldy Chris dybystaǵan.

Eske salaıyq, rejısser Sháken Aımanovtyń «Taqııaly perishte» fılmi 1968 jyly jaryqqa shyqty. Kınoda eńsegeı boıly, alpamsa deneli, darhan minezdi, keń peıildi Taılaq súıikti taqııasyn basynan tastamaı júredi. Anasy (Tana — Ámına Ómirzaqova) balasyn balasyn erkeletip, «Taqııaly perishtem» dep ataıdy. Sıýjet barysynda anasy balasyn úılendirý úshin qyz izdep Almatyǵa keledi. Taılaq kórikti Aıshamen tanysady. Anasy ulynyń tańdaýyn birden qabyl almaıdy. Sebebi Aıshanyń ákesi — kezinde Tanamen sóz baılasyp, keıin sózinen taıǵan Taıyr. Taılaqqa syra satýshy Altynshash ta turmysqa shyqqysy keledi. Satýshydan qashqaqtaǵan Taılaq Aıshaǵa úılený týraly usynys jasaıdy. Nııaz bolsa, Tanaǵa sóz salady. Osyndaı kóńildi oqıǵa qos toımen aıaqtalady.

Fılm týraly birneshe derek: Kıno 7 aıda túsirilip bitti. Túsirilim negizinen pavılondarda júrgen. Epızodtaǵy sán-saltanaty kelisken úı — ýaqytsha turǵyzylǵan oryn. Bılegen stýdentti somdaǵan qazirgi QR Halyq ártisi — Marat Ahmadıev. Bı sol jerdegi túsirilim alańynda oılastyrylǵan.

Sháken Aımanov «Taqııaly perishtesin» uzaq ýaqyt izdemegen. 1965 jyly Almatyda kúresten Qajymuqan atyndaǵy týrnır ótedi. Sol jarysqa arnaıy kelgen bir balýandy baıqap qalyp, kezekti bir týyndysyna basty róline shaqyrǵan.
Fılm mýzykaǵa baı. Halyq áni, klassıka, djaz, qysqasy, barlyq janr qamtylǵan. Taqııaly perishteni qazaqsha mıýzıkl dep ataıdy. Ánderdiń kóbi kınoǵa arnalyp, arnaıy jazylǵan.
Bıbigúl Tólegenova túsken epızodta «Ana» ánin ózi oryndamaǵan.