Taılandtyń Ulttyq kitaphanasynda Abaı kitaptarynyń tusaýkeseri ótti
QR SІM baspasóz qyzmetiniń málimetine saı, 2020 jyldyń 30 jeltoqsany – Taıland Koroldiginiń Ulttyq kitaphanasynda qazaqtyń uly aqyny jáne oıshyly Abaı Qunanbaıulynyń aǵylshyn tilinde jaryq kórgen «Qara sózder» jáne «Poemalar jınaǵy» kitaptarynyń tusaýy kesildi.
Іs-sharaǵa Qazaqstan Elshisi Raýshan Esbýlatova, Koroldiginiń Mádenıet mınıstrligi Beıneleý óneri departamentiniń Bas dırektory Phengtako Pratıp jáne basqa da memlekettik organdardyń ókilderi, sondaı-aq Bangkokta akkredıttelgen birqatar dıplomatııalyq mıssııalardyń basshylary qatysty.
Tusaýkeserdi asha otyryp, Elshi Abaıdyń qazaq ultynyń aǵartýshylyǵyna tynymsyz eńbek etkenin, bilim halyq pen bılik arasyndaǵy kópir qyzmetin atqaratynyn atap ótti.
Іs-sharaǵa qatysýshylaryn Abaıdyń qazaq, taı, aǵylshyn jáne orys tilderindegi birqatar shyǵarmalary oqyldy. Іs-shara qorytyndysy boıynsha «Qara sózder» jáne «Poemalar jınaǵy» kitaptarynyń birneshe danasy kitaphanaǵa tapsyryldy.