Taılandtan esirtki jetkizgen kúdikti 16 jylǵa sottaldy

<p>ASTANA. KAZINFORM - Qarjylyq monıtorıng agenttigi Almaty oblysynda asa iri mólsherde esirtki kontrabandasy faktisi boıynsha sotqa deıingi tergep-tekserýdi aıaqtady</p>

Eske salsaq, Almaty oblysy Іle aýdanynyń «Qazposhta» AQ bólimshesine jalpy salmaǵy 800 grammǵa jýyq kannabıs syǵyndysy (gashısh maıy) esirtki zaty bar poshta jóneltilimi kelip túsken.

- Jedel is-sharalar barysynda kúdiktiniń «Telegram» messendjerin paıdalanyp, Taılandtan esirtkige tapsyrys bergeni belgili boldy.

Poshta jóneltilimin ashý kezinde kosmetıkalyq zattar túrinde jasyrylǵan 8 bankanyń ishinde esirtki zattary anyqtaldy, - dep jazdy Qarjylyq monıtorıng agenttiginen.

Sot úkimimen kináli tulǵaǵa 16 jylǵa bas bostandyǵynan aıyrý jazasy taǵaıyndalyp, tárkilengen esirtki joıyldy.

Jalpy, byltyr QMA kontrabanda jáne esirtki quraldarynyń zańsyz aınalymy faktilerine qatysty 135 qylmystyq is tirkedi.

Sonymen qatar, 77,1 kg esirtki quraldary, 3,2 kg psıhotroptyq zattar, 206 myń anabolıkter (ýly zat) jáne 1 700 «Tropıkamıd» kóz tamshylary tárkilendi.

Qarjylyq monıtorıng agenttigi esirtki kontrabandasy qatań qylmystyq jaýapkershilikti kózdeıtin aýyr qylmys ekenin eske salady.

Buǵan deıin Jetisýda 2 iri esirtki zerthanasy joıyldy.