Taılandtaǵy jarylystardan zardap shekkender arasynda qazaqstandyqtar joq - QR SІM

ASTANA. QazAqparat - Taılandta oryn alǵan birqatar joıqyn jarylystardan qaza tapqandar men jaraqattanǵandar arasynda qazaqstandyqtar joq. Bul týraly QR Syrtqy ister mınıstrliginiń baspasóz qyzmeti habarlady.

«Ońtústik provıntsııalarda, Phýkette birqatar jarylystar boldy, negizgi eki jarylys Hýıhın qalasynda oryn aldy. Ol jerde kóz jumǵandar men jaraqattanǵandar sany kóp. Qazirgi ýaqytta jarylystan qaza tapqandar men japa shekkender qatarynda qazaqstandyqtar joq», - dedi mınıstrliktiń baspasóz qyzmeti.

Eske sala keteıik, búgin túnde Taılandtyń ońtústiginde ornalasqan kýrorttyq aımaqtarda - Sýrat Thanı qalasynda, Phýket araly men Hýahın eldimekeninde birqatar jarylystar oryn aldy. Aldyn ala málimetter boıynsha, bir adam qaza tapty, kem degende 5 adam jaraqat aldy. Qaza tapqan adamnyń azamattyǵy týraly aqparat áli taratylǵan joq.

Qazirgi ýaqytta Taıland bıligi Hýahınde keshe keshke oryn alǵan jarylystan jaraqattanǵan on shetel azamatynyń tizimin jarııalady.