Taılandtaǵy aza tutýǵa baılanysty almatylyq boksshynyń kezdesýi keıinge qaldyryldy
2013 jyldan beri Djafar taı boksymen aınalysady. Alǵashynda týǵan qalasy Almatydaǵy jattyǵýǵa baryp júrdi. 2015 jyly mektepti bitirgen soń, ol kásibılerdiń qol astynda jattyǵý úshin Taılandqa ketti. Jas jigit alty aı Bangokta ómir súrdi jáne sońǵy 10 aıda Pattaııada ómir súrip, jattyǵyp jatyr.
19 jastaǵy Djafar jergilikti telearnalarda kórsetiletin jekpe-jekterge Qazaqstannyń atynan shyǵady. Osy ýaqytta 12 kásibı aıqas ótkizgen Djafar 8 ret jeńiske jetken.
21 qazan kúni jas jigit rıngke shyǵýy tıis edi. Alaıda, bul elde aza tutylýyna baılanysty jekpe-jek keıinge qaldy. Almatylyqtyń aıtýynsha, taı telearnalaryna 30 kúnge boks kezdesýlerin uıymdastyrýǵa jáne translıatsııalaýǵa tyıym salyndy.
Eske sala ketkek, 13 qazanda Taıland koroli Phýmıpon Adýlıadet 89 jasqa qaraǵan shaǵynda dúnıeden ozdy. Ol 70 jyldan astam taqta otyryp, qazirgi zamanǵy eń uzaq bılikte otyrǵan monarh retinde tarıhta qaldy.
Elde 1 jyl aza tutý jarııalandy. Taıland Premer-mınıstri Praıýt Chan-Ocha otandastaryn aldaǵy 30 kúnde kez kelgen oıyn-saýyq sharalarynan aýlaq bolýǵa shaqyrdy. Basylymdardyń habarlaýynsha, jeke týrıstik aımaqtar men keı dúkender jabylǵan. Endi bir dúkender ishimdik satýdy toqtatty.