Taılandta maımyl shesheginiń alǵashqy jaǵdaıy anyqtaldy

<p>ASTANA. KAZINFORM &ndash; Taılandta elge Afrıkadan kelgen naýqastan mpox-tiń (maımyl sheshegi) jańa, áldeqaıda qaýipti shtamy anyqtady. Bul Azııadaǵy alǵashqy naýqas, dep jazady <a href="https://www.theguardian.com/world/article/2024/aug/23/thailand-mpox-clade-1b-strain-new-variant-case" target="_blank" rel="noopener">The Guardian</a>.</p>

Taılandtyń Aýrýlardy baqylaý departamentiniń málimetinshe, 66 jastaǵy eýropalyq er adamda júrgizilgen zerthanalyq zertteýler onyń mpox Clade 1b vırýsyn juqtyrǵanyn rastady.

Naýqas Bangkokqa 14 tamyzda kelgen.

«Taılandtyń aýrýlardy baqylaý departamenti eýropalyq turǵynda mpox Clade 1b bar ekenin kórsetetin zerthanalyq synaqtyń nátıjesin rastaıdy», - delingen resmı málimdemede. –«Biz naýqaspen baılanysta bolǵan 43 adamdy da baqylap jatyrmyz, qazirgi ýaqytta olarda eshqandaı sımptom joq, biraq biz 21 kún boıy baqylaýdy jalǵastyrýymyz kerek».

Buǵan deıin Fılıppınde ótken jyldyń jeltoqsan aıynan beri elde alǵash ret mpox (maımyl sheshegi) vırýsynyń jańa jaǵdaıy tirkelgen bolatyn.

Aıta keteıik, buǵan deıin Dúnıejúzilik densaýlyq saqtaý uıymy sońǵy eki jylda Kongo Demokratııalyq Respýblıkasynda aýrýdyń ekinshi ret órshýinen jáne aýrýdyń kórshi elderge taralýynan keıin maımyl sheshegin jahandyq tótenshe jaǵdaı dep jarııalaǵan bolatyn.