Taılandta kóz jumǵan ánshi Darhan Júnisbekovtiń máıiti erteń Almatyǵa jetkiziledi

ASTANA. QazAqparat – Erteń Almatyǵa Taılandta jol apatynan kóz jumǵan ánshi Darhan Júnisbekovtiń máıiti jetkiziledi. Bul týraly Syrtqy ister mınıstrliginiń resmı ókili Aıbek Smadııarov málim etti, dep habarlaıdy QazAqparat tilshisi.

«Erteń Almatyǵa marqumnyń máıiti Air Astana áýe kompanııasynyń ushaǵymen jetkiziledi. Barlyq shyǵyndy atalǵan kompanııa ózine aldy. Aqsha jınaýǵa qatysty túsinik bergen jón bolar, prodıýserdiń aıtýynsha, búginge deıin jınalǵan barlyq qarajat qaıtys bolǵan otandasymyzdyń týystaryna beriledi», - dedi resmı ókil vedomstvoda ótken aptalyq brıfıngi barysynda.

Budan buryn habarlanǵandaı, 24 aqpan kúni Taılandta Darkhan Juzz sahnalyq atymen belgili otandyq ánshi Darhan Júnisbekov ómirden ótkeni belgili boldy.

Sol kúni jankúıerleri Almatyda ony eske aldy.

Ánshiniń aıaqtalmaǵan albomy jaryqqa shyǵatyny habarlandy.