Taıland týrnırinde Aslanbek Shymbergenov qarsylasyn nokaýtqa túsirdi

NUR-SULTAN. QazAqparat - Taılandtyń Phýket qalasynda qalasynda ótip jatqan Thailand Open-2022 týrnırinde qazaqstandyq Aslanbek Shymbergenov qarsylasyn nokaýtqa túsirdi, dep habarlaıdy QazAqparat tilshisi.

Aslanbek Shymbergenov jartylaı fınalda 69 keli salmaqta taılandtyq Atıchaı Fomsappen qolǵap túıistirdi.

Jekpe-jek ekinshi raýndta qazaqstandyq boksshynyń basymdyǵymen aıaqtaldy. Ol qarsylasyn nokaýtqa túsirdi.

Taıland boksshysyna medıtsınalyq kómek kórsetildi. Nátıjesinde Aslanbek fınalǵa joldama aldy.

Aıta ketsek, keshki sessııada 63 keli salmaqta eki qazaqstandyq Sanatálı Tóltaev pen Sultan Mýsınov kezdesti. Jekpe-jekte Sultan Mýsınov jeńimpaz atandy.

Halyqaralyq týrnırde 91 kelide Nurbek Oralbaı otandasy Saǵyndyq Toǵambaımen qolǵap túıistirip, fınalǵa joldama aldy.

Al 57 kelide Serik Temirjanov jartylaı fınalda taılandtyq Rýdjakran Djýntrongty 3:2 esebimen tize búktirdi.

Sondaı-aq, 75 kelide Aıatýlla Tákijanov jartylaı fınalda qarsylasyna ese jiberip, jarystyń qola júldesin mise tutty.

Fınal 9 sáýirge belgilengen.