Taıland soty premer-mınıstrdi qyzmetinen bosatty

<p>BANGKOK. LAZINFORM &ndash; Taılandtyń Konstıtýtsııalyq soty Phya Thai partııasynan shyqqan premer-mınıstr Settha Thavısındi etıka kodeksin buzdy dep aıyptap, qyzmetinen shettetti. Sottyń tıisti sheshimi jarııalandy, dep habarlaıdy <a href="https://www.bangkokpost.com/thailand/politics/2847093/pm-srettha-dismissed-after-court-ruling" target="_blank" rel="noopener">Bangkokpost</a>.</p>

Toǵyz sýdıanyń beseýi úkimet basshysynyń otstavkaǵa ketýine daýys berdi. Sýdıalar Thavısındi 2024 jyldyń sáýirinde Phıchıt Chınbandy mınıstr etip taǵaıyndaý kezindegi zań buzýshylyqtar úshin kináli dep tapty.

– Bul Phya Thai partııasynyń kedergilerge tap bolýy birinshi ret emes. Biraq biz jumysty jalǵastyramyz. Biz kedergilerge kez bolǵan saıyn toqtamaımyz. Biz alǵa basamyz, – delingen partııa málimdemesinde.

Premer-mınıstrmen birge onyń kabıneti de otstavkaǵa ketedi.

Premer-mınıstrdiń orynbasary jáne saýda mınıstri Phýmtham Vechaıchaı ýaqytsha úkimettiń basshysy bolady dep kútilýde. Ókilder palatasynyń (parlamenttiń tómengi palatasy) músheleri endi 2023 jylǵy parlamenttik saılaýdan keıin partııalar buryn usynǵan kandıdattar tiziminen jańa premer-mınıstrdi qarap, bekitýi kerek.

Taılandtyq BAQ Thavısın úkimetinde Іshki ister mınıstrligin basqarǵan Anýtın Chanvırakýn jetekshilik etedi dep boljaıdy.

Eger parlament músheleri kandıdattar arasynan premer-mınıstrdi tańdaı almasa, ýaqytsha úkimet basshysy Ókilder palatasynyń taratylǵanyn jarııalaı alady. Mundaı jaǵdaıda saılaý komıssııasy bes kún ishinde parlamenttik saılaýdyń ótetin kúnin jarııalaýy tıis. Alaıda, jergilikti sarapshylar mundaı nátıje bolýy ekitalaı dep esepteıdi.

Settha Thavısınniń kandıdatýrasyn koroldik parlament 2023 jyldyń 22 tamyzynda maquldanǵan.

Aıta keteıik, naýryz aıynda Taıland parlamenti birjynysty neke týraly zań qabyldady.