Taıland pen Malaızııa sý tasqynynyń jańa tolqynyna daıyndalyp jatyr

<p>ASTANA. KAZINFORM &ndash; Malaızııa men Taıland osy aptada kútiletin qatty jańbyr men sý tasqynynyń jańa tolqynyna daıyndalýda. Bul týraly el bıligi dúısenbi kúni habarlady, dep jazady <a href="https://report.az/ru/drugie-strany/s-p-hudshee-dlya-promproizvodstva-vo-francii-eshe-vperedi/" target="_blank" rel="noopener">Report</a> agenttigi Reuters-ke silteme jasap.</p>

Buǵan deıingi bolǵan sý tasqynynan keıin keıbir qonys aýdarǵan turǵyndar úılerine qaıta oralyp, zardap shekken aımaqtarda jaǵdaı rettele bastaǵanymen, bılik tabıǵı apattardyń jańa tolqynyn kútýde.

Malaızııada evakýatsııalyq baspanalardaǵy adamdardyń sany jeksenbide 152 000-nan 128 000-ǵa deıin azaıǵanyn habarlaǵan.

Jergilikti bıliktiń málimdeýinshe, eń qatty zardap shekken soltústik-shyǵys Kelantan shtaty 4 jeltoqsannan bastap taǵy bir topan sýǵa tap bolady.

Taılandtyń Meteorologııalyq departamenti ońtústiktegi turǵyndar 3-5 jeltoqsan aralyǵynda qatty jańbyrdan, sondaı-aq sý tasqynynan, ásirese taý bókterindegi sý arnalary men taýly aımaqtarǵa jaqyn jerlerden saq bolý kerektigin aıtty.

Aıta keteıik, ótken aptada Malaızııa men Taılandta 27 adam qaza taýyp, jarty mıllıonnan astam úı sharýashylyqtary tolassyz jaýǵan jańbyr men sý tasqynynan zardap shekti.

Bılik muny sońǵy onjyldyqta oryn alǵan eń joıqyn sý tasqyny dep sanaıdy.

Aıta keteıik, Indonezııada laı kóshkini men sý tasqynynan 13 adam qaza tapqany habarlandy.