Taıland pen Kýveıtke turaqty reıster oryndalýda
16:46, 13 Jeltoqsan 2021
NUR-SULTAN. QazAqparat - 31 qazannan bastap «Eır Astana» áýe kompanııasy aptanyń beısenbi jáne jeksenbi kúnderi A320LR áýe kemesimen Almaty-Phýket baǵytynda 2 ret turaqty reıs oryndap keledi, dep habarlaıdy QR IIDM baspasóz qyzmeti.
Sonymen qatar, 2021 jylǵy 1 jeltoqsannan bastap Kýveıttiń «Jazeera Airways» áýe kompanııasy A320/A20N áýe kemesimen Almaty jáne El-Kýveıt qalalary arasynda jańa baǵytta sársenbi jáne jeksenbi kúnderi aptasyna 2 reıs oryndaı bastady.
Reıster sanıtarlyq-epıdemıologııalyq talaptardy qatań saqtaı otyryp jáne áýe kompanııasynyń saıtynda jarııalanǵan kestege sáıkes oryndalady.