Taıland bıligi týrısterdi elge kirgizýdiń erejelerine taǵy ózgeris engizdi

AMMAN. QazAqparat – Taıland bıligi sheteldikter úshin koronavırýsqa qarsy ekpe alǵanyn rastaıtyn qujatty usynýdy talap etetin burynǵy erejeni alyp tastady, dep habarlaıdy QazAqparat tilshisi Reuters-ke silteme jasap.

Taılandtyń Azamattyq avıatsııa basqarmasy sheteldik týrısterden Taılandqa ushatyn reıske otyrar aldynda Covid-19 vaktsınasyna qatysty qujat nemese test anyqtama talap etetin jańa sharalardy jarııalady. Alaıda, eki kún ótken soń ol erejege ózgeris engizildi. Taıland densaýlyq saqtaý mınıstri Anýtın Charnvırakýl bul sheshimdi Qytaıda jáne búkil álemde ımmýnızatsııa deńgeıi jetkilikti ekenimen túsindirdi. Osyǵan qaramastan, jańa erejelerge sáıkes, kovıdke qarsy shekteýleri bar elderden keletin saıahatshylar áli de medıtsınalyq saqtandyrýdy satyp alýy tıis, dedi The National News.

Taılandta koronavırýs juqtyryp, eline orala almaǵan týrıster emdelýge jetkilikti soma – keminde 10 myń AQSh dollary, sondaı-aq qosymsha 7 kúnge shyǵyn óteýi úshin qarajat alyp júrýi kerek. Jańa erejeler 18 jasqa tolmaǵan saıahatshylarǵa, Taıland azamattarynyń ózderine jáne tranzıttik vızasy bar adamdarǵa qatysty qoldanylmaıdy. Jol ústinde Covid-19 belgileri baıqalǵan barlyq saıahatshylar otyrǵyzý kezinde test tapsyrady.

Avtory: Arsen Óteshev

Foto: The National News