Taıland 1 mamyrdan bastap elge kirý shekteýlerin jeńildetýi múmkin

BANGKOK. QazAqparat – Taıland úkimeti Test&Co elge kirý shemasyn jáne Thailand Pass tirkeý júıesin alyp tastaý múmkindigin qarastyrady. Ózgerister 1 mamyrda kúshine enýi múmkin, dep habarlaıdy QazAqparat menshikti tilshisi.

Týrızm jáne sport mınıstri P. Ratchakıtprakannyń aıtýynsha, vedomstvo kelesi aptada úkimetke usynys engizedi. Eger ol maquldansa, 1 mamyrdan bastap týrıster elge vaktsınalaý sertıfıkatyn kórsetkennen keıin kire alady. Demek, qujattardyń maquldanýyn 3-5 kún kútýdiń qajeti bolmaıdy.

«Taıland sheteldik saıahatshylardy qaıtadan qarsy alýǵa daıyn, óıtkeni bizdiń densaýlyq saqtaý júıemiz tıisinshe jabdyqtalǵan», - dep keltiredi mınıstrdiń sózin Bangkok Post.

Mınıstrliktiń boljamynsha, Taılandqa bıyl keminde 10 mln týrıst qatynaıdy.

Taıland bıligi 1 sáýirden bastap, elge Test&Co shemasy aıasynda áýe jolymen kiretin jolaýshylar úshin PTR test tapsyrý talabynan bas tartty.

Al, 1 mamyrdan bastap Taılandqa jetkennen keıin tapsyrylatyn PTR testi COVID-19-ǵa antıgen testimen aýystyrylýy múmkin degen boljam bar.

Aıta ketsek, Phýket qalasynda qalasynda ótken Thailand Open-2022 týrnırinde qazaqstandyq boksshylar úsh altyn medal aldy.