Taǵy úsh qalanyń áýejaılary «tsıfrlyq jeke kýálik» jobasyna qosyldy

NUR-SULTAN. QazAqparat – Áýejaıda eGov Mobile qosymshasy arqyly tsıfrlyq jeke kýálik usyný múmkindigi bar qalalardyń sany taǵy úsh shaharmen tolyqty, dep habarlaıdy QazAqparat tilshisi.

Budan bylaı Óskemen, Semeı jáne Qostanaı qalalarynyń áýejaılarynda da jeke derekterdi rastaý úshin eGov Mobile qosymshasy arqyly tsıfrlyq jeke kýálikti usynýǵa bolady. Buryn mundaı qyzmet Nur-Sultan, Almaty, Aqtóbe, Shymkent, Túrkistan, Aqtaý, Atyraý, Taraz, Petropavl, Qaraǵandy qalalarynyń áýejaılarynda qoljetimdi edi.

«Áýejaıda tsıfrlyq jeke kýálikti paıdalaný úshin eGov mobile qosymshasynda tirkelgen paıdalanýshy «Tsıfrlyq qujattar» servısine kirip, tizimnen jeke kýálikti tańdaı alady. Áýejaıdyń tirkeý taǵanynda, sondaı-aq ushý aldyndaǵy tekserýden ótý kezinde servıste jasalǵan QR-kody bar smartfonnyń ekranyn kórsetý qajet», - dep jazylǵan QR Azamattyq avıatsııa komıtetiniń baspasóz qyzmeti taratqan aqparatta.

Іshki reısterde tsıfrlyq jeke kýálikti paıdalaný múmkindigi QR Indýstrııa jáne ınfraqurylymdyq damý mınıstrligi men QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń, Azamattyq avıatsııa komıteti men «Qazaqstannyń avıatsııalyq ákimshiligi» AQ-nyń, áýe kompanııalary men áýejaılardyń jáne «Ulttyq aqparattyq tehnologııalar» AQ-nyń júıelerin ıntegratsııalaýdyń arqasynda múmkin boldy.

Tsıfrlyq qujattar servısi pılottyq rejımde qoldanylyp jatqanyn ataı ketý kerek.