Taǵy eki elde koronavırýstyń jańa shtamy anyqtaldy

SEÝL. RENHAP-QazAqparat – Taǵy eki elde, atap aıtsaq, Koreıa men Indonezııada koronavırýs ınfektsııasynyń jańa «brıtandyq» shtamy anyqtaldy, dep habarlaıdy QazAqparat Renhap agenttigine silteme jasap.

Agenttiktiń habarlaýynsha, dúısenbi kúni Ońtústik Koreıanyń densaýlyq saqtaý organdary koronavırýstyń jańa shtamyn juqtyrýdyń alǵashqy jaǵdaılaryn rastady.

Ulybrıtanııadan kelgen úsh adamnan vırýstyń «brıtandyq» shtamy anyqtalǵan. Osy elden ushýǵa tyıym salýdy jyl sońyna deıin taǵy bir aptaǵa uzartý týraly sheshim qabyldandy.

Koreıanyń aýrýdy baqylaý jáne aldyn alý agenttigi (KDCA) atalǵan úsh adamnyń bir otbasy músheleri ekenin habarlady.

Osy otbasymen Ońtústik Koreıaǵa birge ushyp kelgen barlyq jolaýshy men ushaq ekıpajy jańa shtamdy juqtyrǵan-juqtyrmaǵanyn anyqtaý úshin qaıta testileýden ótedi.

Reuters agenttiginiń habarlaýynsha, Indonezııa koronavırýstyń jańa juqpaly shtammynyń taralýyn toqtatý úshin barlyq sheteldikke eki aptaǵa kirýge tyıym salady. Bul týraly dúısenbide eldiń Syrtqy ister mınıstri Retno Marsýdı habarlady.

Brıtandyq zertteýler kórsetkendeı, koronavırýstyń jańa shtamy eski nusqaǵa qaraǵanda 70 paıyzǵa juqpaly bolýy múmkin. Jańa nusqa alǵash ret qyrkúıektiń ortasynda Ulybrıtanııa astanasy - Londonda paıda boldy dep boljanýda.

Jańa shtamm birqatar elde, atap aıtqanda Aýstralııa, Danııa, Germanııa, Italııa, Ispanııa, Kanada, Nıderland, Shveıtsarııa, Frantsııa jáne Japonııada anyqtalǵan edi.