Taǵy bir qazaqstandyq velosportshy Azııa chempıonatynan altyn aldy
20:40, 27 Naýryz 2022
DÝShANBE. QazAqparat - Velosportshy Evgenıı Fedorov Azııa chempıonatynda Qazaqstan quramasyna taǵy bir altyn ákeldi, dep habarlaıdy Olympic.kz.
Erler arasynda jekeleı synda elıta sanaty boıynsha qazaqstandyq Evgenıı Fedorov top jardy.
Ol 24 shaqyrymdy 28 mınýt 45,197 sekýndta baǵyndyrdy.
Ekinshi orynǵa japonııalyq Narııýkı Masýda (+51,548) jaıǵassa, ózbekstandyq sportshy Mýradjan Halmuratov (+1:13.094) úzdik úshtikti túıindedi.
Aıta keterligi, velosporttan Azııa chempıonaty Tájikstan astanasy Dýshanbe qalasynda ótip jatyr.