Taǵy bir qazaqstandyq fılm sheteldik kınoprokatqa shyqty

ASTANA. QazAqparat – Bishkekte «Kelinjan» fılminiń jabyq kórsetilimi ótti. Osylaısha otandyq agenttiktiń tapsyrysymen túsirilgen fılm alǵash ret sheteldik kınoprokatqa shyǵyp otyr, dep habarlaıdy QazAqparat tilshisi.

«Habardyń» fılmi alǵash ret sheteldik kınoprokatqa shyqty. Baýyrlas eldiń kórermenderi úshin qyrǵyz tiline aýdarylǵan fılmniń jabyq kórsetilimine Qyrǵyz kınematografııa departamentiniń, jergilikti BAQ-tyń ókilderi men blogerler, sondaı-aq Qazaqstannyń Qyrǵyzstandaǵy Elshiligi qyzmetkerleri men «Habar» Agenttiginiń ókilderi qatysty.

«Bul – agenttiktiń óz ónimin alǵash ret basqa tilde dýblıaj jasap, shetelge shyǵarýy. «Kelinjan» serıalyn YouTube platformasynda kóp kórgen, jaqsy pikiriler jazyp, qyzyǵýshylyq tanytqan qyrǵyz aýdıtorııasy bolǵandyqtan, tolyqmetrajdy fılmdi qyrǵyzdardyń ana tiline aýdaryp, sol elde kórsetý týraly sheshim qabyldanǵan bolatyn. Seriktes kompanııanyń málimetine súıesek, «Kelinjannyń» kórsetiletini týraly aqparatty halyq óte jaqsy qabyldaǵan», - dedi «Habar» Agenttigi AQ Basqarma Tóraǵasynyń orynbasary Danııar Meńilbekov.