Taǵy 5 kompanııa qurylys materıaldarynyń baǵasyn tómendetti
Memleket basshysynyń qurylys materıaldary naryqtarynda sharalar qabyldaý jónindegi tapsyrmasyn oryndaý barysynda Básekelestikti qorǵaý jáne damytý agenttiginiń aýmaqtyq bólimsheleri barlyq óńirlerdegi qurylys materıaldary naryqtarynda baǵany kóterýdiń negizdiligine monopolııaǵa qarsy taldaý júrgizýdi jalǵastyrýda.
2021 jylǵy 29 shildedegi jaǵdaı boıynsha qurylys materıaldary naryqtarynyń sýbektilerine buzýshylyq belgilerin joıý jáne baǵany tómendetý qajettiligi týraly 63 habarlama jiberildi (onyń ishinde 22-29 shilde aralyǵyndaǵy kezeńde 6 jańa habarlama): kirpish boıynsha – 16, armatýra – 13, tsement – 17, beton – 8, qıyrshyq tas – 2, polıetılen qubyrlary – 3, shvellerler – 2, kabel – 1, shyny – 1.
Qazirgi ýaqytta 29 kompanııa habarlama talabyn oryndady. 22-29 shilde aralyǵynda 8 kompanııa, onyń 5-eýi baǵany tómendetti:
- Pavlodar oblysynda armatýraǵa(«Fırma «Stalnoı soıýz« JShS, 397 220 teńgeden/tn 377 200 teńgege/tn deıin, «KЅR Steel« JShS, 351 000 teńgeden/tn 320 120 teńgege/tn deıin), Atyraý oblysynda (»ÝralMetallInvest« JShS orta eseppen 450 000 teńgeden/tn 418 500 tengege/tn deıin jáne «KazTemırKontrakt« JShS 471 201 teńgeden/tn 430 109 teńgege/tn deıin).
- Soltústik Qazaqstan oblysynda betonǵa (»Logıka Stroı Resýrs« JShS, qabyrǵa bloktarynyń qunyn 25000 teńgeden/tekshe metr 23000 teńgege/tekshe metr deıin nemese 9% - ǵa tómendetti.
Aıta keteıik, buǵan deıin 21 kompanııa qurylys materıaldarynyń baǵasyn tómendetkenin jazǵan edik.