Taǵy 12 adam koronavırýs pen pnevmonııadan kóz jumdy
09:05, 19 Qańtar 2022
NUR-SULTAN. QazAqparat - QR Densaýlyq saqtaý mınıstrligi sońǵy táýlikte koronavırýstan qaıtys bolǵandar statıstıkasyn jarııalady.
Oǵan sáıkes, 17 qańtar kúni Qazaqstan aýmaǵynda 10 adam - koronavırýstan, taǵy 2 syrqat - pnevmonııadan qaıtqan.
Koronavırýstan ajal qushqandardyń eń kóbi Mańǵystaý, Qaraǵandy jáne Soltústik Qazaqstan oblystarynda tirkelgen - 2 adamnan.
Sondaı-aq, Almaty qalasy men Aqtóbe, Jambyl, Qostanaı oblystarynda - bir adamnan kóz jumdy.
Elimizdiń basqa óńirlerinde qaıǵyly jaǵdaılar tirkelgen joq.