Taǵy da FlyArystan: Almaty – Astana áýe reısi keshigip ushty

<p>ASTANA. KAZINFORM &ndash; FlyArystan áýe kompanııasy &laquo;Almaty-Astana&raquo; áýe reısiniń keshigýine qatysty aqparat berdi, biraq ushýdyń ne úshin keshikkeni aıtylmaǵan.</p>

«2024 jylǵy 19 tamyzda FlyArystan Ks7053 Almaty – Astana reısiniń ushýy saǵat 09:05-ten 09:25-ke deıin keshiktirildi. Jolaýshylarǵa reıstiń saǵat 09:25-ten 10:55-ke aýysqany týraly eskertý habarlama júıedegi qysqa merzimdi tehnıkalyq aqaýǵa baılanysty boldy. FlyArystan qolaısyzdyqtar úshin keshirim suraıdy», - delingen atalǵan áýe kompanııanyń baspasóz qyzmeti taratqan habarlamada. 

Sondaı-aq, aqparatta reıske keshikken jolaýshylarǵa aqshasyn qaıtarýǵa nemese kelesi reısterge bron jasaýǵa bolatyndyǵy aıtylǵan. 

«Keshikken jolaýshylarǵa 50 myń teńge somasynda ótemaqy beriledi. Qazir baılanys ortalyǵynyń agentteri jolaýshylarmen habarlasyp jatyr», - dep túsindirdi FlyArystan áýe kompanııasynan. 

Eske sala ketsek, jýyrda FlyArystan áýe kompanııasynyń ókilderi elordada egizdiń syńaryn áýejaıda qaldyryp ketkeni týraly habarlaǵan edik. 

Keıin ushaqtardyń jıi keshigýine baılanysty Air Astana men FlyArystan kompanııalaryna jospardan tys tekserý júrgiziletini aıtyldy. 

Odan bólek, tanymal telejúrgizýshi Láılá Sultanqyzy FlyArystan-nyń ústinen aryz jazdy. Ol FlyArystan áýekompanııasynyń qaýipsizdik sharasyn saqtamaý saldarynan jaraqat alǵanyn aıtty.