Taǵy bir boksshymyz Italııadaǵy lıtsenzııalyq týrnırdi sátti bastady

<p>ASTANA. KAZINFORM - Búgin bokstan Italııanyń Býsto-Arsıtsıo qalasynda ótip jatqan halyqaralyq týrnırde Qazaqstan quramasynyń sapynan sharshy alańǵa shyqqan ekinshi boksshymyz da jarysty jeńispen bastady.</p>

Naqtyraq aıtsaq, 80 keli salmaqta el namysyn qorǵap jatqan otandasymyz Nurbek Oralbaı Olımpıadaǵa irikteý týrnırindegi birinshi jekpe-jeginde gaıtılik Kedrık Belonı-Dýlıepreni jeńdi.

Osyǵan deıin 57 kelige deıingi salmaqta synǵa túsetin qazaqstandyq boksshy Mahmud Sabyrhan birinshi aınalymda efıopııalyq Leta Fıkremarıam ıAdesamen judyryqtasyp, esh qıyndyqsyz jeńiske jetkenin jazǵan bolatynbyz.

Foto: Sport komıteti

Sondaı-aq, osyǵan deıin erler arasynda 51 kelide Sáken Bıbosynov gonkongtyq Kannet Chýn Hım Tanmen qolǵap túıistirip, kelesi kezeńge ótse, áıelder arasynda 60 kelide sharshy alańǵa shyqqan Rımma Volosenko alǵashqy jekpe-jegin sátti ótkizgen bolatyn. Ol jaýapty synda Trınıdad Tobago eliniń ókili Tıanna Gýımen kezdesip, tóreshiler sheshimimen basym tústi.

Lıtsenzııalyq týrnırde 2024 jylǵy Parıj Olımpıadasynyń joldamalary sarapqa salynady. Bylǵary qolǵap sheberleri erler arasynda 28, áıelder arasynda 21 joldamaǵa talasady. 

Týrnır 3-12 naýryz aralyǵynda ótedi.