Taǵy bir aqaýly ushaq Aqtaý áýejaıyna qondy

<p>ASTANA. KAZINFORM &ndash; Almaty - Antalıa baǵytyndaǵy Airbus A321 ushaǵy aqaýyna baılanysty Aqtaý áýejaıyna qondy. Oqıǵanyń mán-jaıyn Air Astana áýe kompanııasy habarlady.</p>

– 8 qańtarda Almaty - Antalıa baǵyty boıynsha KS915 reısin oryndaıtyn Airbus A321 ushaǵy áýejaıdan jergilikti ýaqyt boıynsha 08:35-te ushyp ketti. Tehnıkalyq sebeppen ushaq Aqtaý áýejaıyna shtattyq rejımde qondy. Buǵan ortalyq baktyń otyn júıesiniń saqtandyrǵysh klapanynyń aqaýy sebep boldy, - dep jazylǵan resmı habarlamada.

Reıs Almatydan qosalqy bólikti jetkizý qajettiligine baılanysty 9 qańtarda saǵat 09: 20-ǵa aýystyryldy.

Jolaýshylarǵa tamaq berilip, qonaq úıge ornalastyryldy. Osyndaı sharalar Antalıadaǵy jolaýshylarǵa qatysty da qoldanylyp jatyr.

Eske sala ketsek, 25 jeltoqsanda Aqtaý mańynda Azerbaijan Airlines ushaǵy apatqa ushyraǵan edi.

Ushaq bortynda 67 adam, onyń ishinde bes ekıpaj múshesi bolǵan. Oqıǵa saldarynan 38 jolaýshy qaza tapty.

Aqtaýdaǵy ushaq apatynyń hronologııasy.