Taǵdyrsheshti kezeń. Qazaqstan Respýblıkasy Tuńǵysh Prezıdentiniń jetistikteri

ASTANA. QazAqparat - Nursultan Nazarbaevtyń prezıdenttigi kezeńinde Qazaqstan Ortalyq Azııadaǵy aımaqtyq kóshbasshy, syrtqy saıası protsesterdiń abyroıly ári tolyqqandy múshesi retinde moıyndaldy.

QR Tuńǵysh Prezıdentiniń jetistikteriniń biri «Qazaqstan-2030» Strategııasynyń ýaqytynan buryn oryndalýy boldy. Bul jetistik Qazaqstandy álemniń básekege qabiletti 50 eliniń qataryna kirgizýge múmkindik berdi. Memleket eki birdeı álemdik daǵdarystan sátti ótip, óz aýqattylyǵyn dáleldedi.

Beı-berekettikke, jutańdyqqa, qoǵamdyq jiktelýge, azamattyq soǵysqa, ultaralyq jáne dinaralyq qaqtyǵystarǵa, qylmystyń órshýine, «bandıttik» jáne «olıgarhııalyq» kapıtalızmge, eldi halyqaralyq qaqtyǵystarǵa kıliktirýge, «túrli-tústi revolıýtsııalardyń» stsenarııi boıynsha qoǵamdyq-saıası tolqýǵa, sheteldik kredıtorlardyń qaryz boıynsha táýeldiligine, ekonomıkalyq quldyraýǵa, stagnatsııaǵa nemese álemdik daǵdarystardyń sozylýyna baılanysty retsessııaǵa jol berilgen joq.

Eń bastysy - birtutas ulttyń - Qazaqstan halqynyń qalyptasýy bastaldy. Eldiń ekonomıkalyq tabystary men halyqtyń teńdik qaǵıdattaryn bekemdeý negizinde ulttyq yntymaqqa qol jetkizildi. Buǵan qosa eldegi azamattardyń aýqattylyǵynyń jedel ósimine qol jetkizilip, ortasha klass jáne ulttyq kásipkerlik qalyptasty. Áleýmettik beıbitshilik, ultaralyq jáne konfessııaaralyq kelisim saqtaldy.

Nursultan Nazarbaevtyń prezıdenttigi kezeńinde strategııalyq josparlar negizinde Memlekettiń qalyptasý jáne damý strategııasy (1992), «Qazaqstan-2030» strategııasy (1997), «Qazaqstan-2050» strategııasy (2012) negizinde eldiń senimdi damýy men ósýi qamtamasyz etildi.

Qazaqstanǵa Elbasynyń baǵdaryn jalǵastyryp, «Qazaqstan-2050» strategııasyn júzege asyryp, jahandyq tegeýrinderdiń syndaryna jaýap retinde memlekettik bılik ınstıtýttaryn bekemdeý mindeti tur.

Memlekettiń búgingi mindetteri - Qazaqstandy jańǵyrtý, eldiń barlyǵy úshin zamanaýı ári kúshti memleket etý, Bes ınstıtýtsıonaldyq reforma men Ult jospary, «100 naqty qadam» negizinde memleketti bekemdeý men Qazaqstannyń úshinshi jańǵyrýy baǵdary.

Qazaqstandyqtardyń maqsaty - memleketke jańa serpin berý: tabıǵı resýrstardyń kómegimen ǵana emes, tehnologııalyq jetistikter esebimen ómir súrý, myqty ulttyq ekonomıkany damytý.

Álemdik transformatsııa men jahandyq tegeýrinder kezeńinde EAEO, DSU, EYDU, «Jańa Jibek joly» Qazaqstanǵa ulttyq ekonomıkasyn qorǵaý, «Qazaqstan-2050» Strategııasyn múltiksiz oryndaý, senimdi túrde EYDU standartyna sáıkes álem elderiniń otyzdyǵyna ený, munaı jáne shıkizat daǵdarysynan táýelsiz eldiń ekonomıkalyq damýyn qamtamasyz etý mindeti tur.