Taekvondoshy Temirjan Tasqyn Ońtústik Koreıadaǵy álem chempıonatynda qola medal aldy

<p>ASTANA. KAZINFORM &ndash; Qazaqstandyq taekvondoshy Temirjan Tasqyn Ońtústik Koreıanyń Chýnchhon qalasynda ótip jatqan taekvondodan álem chempıonatynda synǵa túsip, el qorjynyna júlde saldy.&nbsp;&nbsp;</p>

Ulttyq olımpıada komıtetiniń habarlaýynsha, otandasymyz 48 kelige deıingi salmaqta úshinshi oryn alyp, qola júldeger atandy. 

Týrnırde qarsylas shaq keltirmegen ırandyq sportshy Mehdı Razmııan altyn júldeni qanjyǵasyna baılady. Al ekinshi oryn ıspanııalyq Haıro Trıgosqa buıyrdy. Qola medal Ózbekstannan kelgen Behrýz Salımovtyń enshisinde ketti. 

Aıta ketelik, Qazaqstan komandasynyń qorjynynda qazirgi tańda úsh medal bar. Buǵan deıin Nuraı Qaznabek (59 kelige deıingi salmaq) pen Nuralı Mahmut (55 kelige deıingi salmaqta) kúmis júldeger atanǵan bolatyn.