ASTANA. KAZINFORM - Qazaqstandyq sportshy Batyrhan Tóleýǵalı (87 keli) Naırobıde (Kenııa) ótip jatqan taekvondodan (WT) 21 jasqa deıingi sportshylar arasynda álem chempıony ataǵyna qol jetkizdi.
Fınalda ırandyq Mohammed Alızadeni tize búktirdi. Oǵan deıin otandasymyz aýstralııalyq Stıýart Djoýbty, beıtarap eldiń ókili Vladıslav Býdındi aıqyn basymdyqpen jeńdi.
Osylaısha taekvondodan Qazaqstan quramasy álem chempıonatyn eki altyn, bir qola júldemen aıaqtaldy. Osyǵan deıin Beıbarys Qablan (87 keliden joǵary) jeńimpaz atansa, Tamerlan Tileýles (63 keli) qola júldege qol jetkizgen edi. Mundaı kórsetkish osyǵan deıin Qazaqstan taekvondo (WT) tarıhynda tirkelmegen.
Foto: Qazaqstan taekvondo federatsııasyAıta ketsek, búgin el quramasynan Aqbota Jeleý (46 keli), Aıaýlym Asqar (62 keli), Arsylan Ermentaev (68 keli) qarsylastaryna ese jiberip, jarys jolynan shyǵyp qaldy.
Kenııada ótken álem chempıonatynda 75 elden 500-ge jýyq daıang sheberi ózara baq synady.
Eske sala keteıik, buǵan deıin taekvondodan álem chempıonatynda Batyrhan Tóleýǵalı jartylaı fınalǵa shyqqanyn jazǵan edik.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.