Taekvondoshy Batyrhan Tóleýǵalı eki dúrkin álem chempıonyna ese jiberdi

<p><strong>ASTANA. KAZINFORM &ndash; Taekvondodan Qazaqstan komandasynyń múshesi Batyrhan Tóleýǵalı Parıj Olımpıadasynyń shırek fınalyna óte almady.&nbsp;</strong></p>

Ulttyq olımpıadalyq komıtettiń málimetinshe, erler arasynda 80 kelige deıingi salmaqta synǵa túsken otandasymyz 1/8 aınalymda eki dúrkin álem chempıony, ıtalııalyq Sımone Alessıomen kezdesti. 

Tartysty jekpe-jekte tájirıbeli ıtalııalyq sportshy 2:0 esebimen qarsylasynan basym tústi. 

Aıta keteıik, Batyrhan Tóleýǵalı Qazaqstan sapynan Olımpıadaǵa qatysyp jatqan eń jas atlet. Bul – 18 jastaǵy sportshynyń tuńǵysh Olımpıadasy. 

Eske sala keteıik, buǵan deıin Batyrhan Tóleýǵalıdyń Olımpıada oıyndarynyń 1/8 fınalyna joldama alǵanyn jazǵan edik.