ASTANA. KAZINFORM – Ońtústik Koreıadaǵy Chýnchhon qalasynda jasóspirimder arasyndaǵy álem chempıonaty jalǵasyp jatyr. Qazaqstan qorjynyna taǵy bir júlde tústi, dep habarlady Ulttyq olımpıadalyq komıtet.
Júldeni Nuralı Mahmýt ıelendi. Ol 55 kelige deıingi salmaqta kúmis júlde aldy. Fınal jekpe-jeginde Mahmýt ırandyq Sına Mohtaramıden jeńildi, tıisinshe Mohtaramı «altyn» aldy.
Úshinshi oryndy reseılik Azat Besaev pen Qytaıdan kelgen Haojan Tan bólisti.
Aıta ketelik, buǵan deıin atalǵan dodada Nuraı Qaznabek te kúmis júlde ıegeri atanǵan bolatyn (59 kelige deıingi salmaqta).
Elmıra Oralbaeva
Abaı atyndaǵy qazaq ulttyq pedagogıkalyq ýnıversıtetiniń túlegi. 2023 jyldan bastap Kazinform halyqaralyq aqparat agenttiginde shyǵarýshy redaktor qyzmetin atqaryp keledi.