17 jastaǵy taekvondoshy Batyrhan Tóleýǵalı Parıj Olımpıadasyna barady

<p>ASTANA. KAZINFORM - Taıan qalasynda ótip jatqan lıtsenzııalyq týrnırde taekvondodan qazaqstandyq Batyrhan Tóleýǵalı Parıj Olımpıadasyna joldama jeńip aldy.</p>

Qazaqstan ulttyq quramasyndaǵy eń jas taekvondoshy sheshýshi aıqasta Saýd Arabııasynyń ókili Álı Mabrýk ál-Mabrýktan basym tústi. Esep: 2-0.

Buǵan deıin Batyrhan alǵashqy jekpe-jeginde Akshaı Hýdany (Úndistan) aıqyn basymdyqpen jeńip, jartylaı fınalǵa shyqqanyn jazǵan bolatynbyz. 

Bul - taekvondodan ulttyq quramanyń alǵashqy joldamasy. 

Eske salsaq, atalǵan týrnır Olımpıadaǵa lıtsenzııa beretin Azııa qurlyǵynyń sońǵy irikteý dodasy. Lıtsenzııalyq básekede el namysyn tórt sportshymyz qorǵap jatyr. Onyń biri - 17 jastaǵy Batyrhan Tóleýǵalı bolsa, ekinshisi - 19 jastaǵy Marııa Sevostıanova. Úshinshi sportshymyz 58 keli salmaqta el namysyn qorǵaıtyn Samırhon Ababakırov. Al tórtinshi sportshymyz qurama úzdigi - Jansel Denız.