Qytaıdaǵy týrnır: Taekvondoshy Batyrhan Tóleýǵalı jartylaı fınalǵa shyqty

<p>ASTANA. KAZINFORM &ndash; Búgin Qytaıdyń Taıan qalasynda bastalǵan taekvondodan Parıjge joldama taratatyn Azııa aımaqtyq irikteý týrnırinde el namysyn qorǵaıtyn 17 jasar otandasymyz Batyrhan Tóleýǵalı alǵashqy jekpe-jegin ótkizdi.&nbsp; &nbsp;</p>

Qazaqstandyq sportshy týrnırdegi birinshi qarsylasy Akshaı Hýdany (Úndistan) aıqyn basymdyqpen jeńip, kelesi kezeńge joldama aldy.  

Endi Ulttyq qurama sportshysy jartylaı fınalda Saýd Arabııasynyń taekvondoshysy Álı Mabrýk ál-Mabrýkpen Parıj Olımpıadasynyń lıtsenzııasyn sarapqa salady.

Esterińizge sala keteıik, Qytaıdyń Taıan qalasynda Olımpıadaǵa lıtsenzııa beriletin Azııa qurlyǵynyń sońǵy irikteý týrnıri ótip jatyr. Atalǵan týrnırde el namysyn tórt sportshymyz qorǵaýda.

Onyń biri - 17 jasar Batyrhan Tóleýǵal bolsa, ekinshisi 19 jasar Marııa Sevostıanova. Úshinshi sportshymyz 58 keli salmaqta el namysyn qorǵaıtyn Samırhon Ababakırov. Al tórtinshi sportshymyz qurma úzdigi Jansel Denız. 

Joǵarydaǵy 4 sportshynyń ishinde Janselden basqasy alǵash ret Olımpıada lıtsenzııasy úshin talasýda. Denız Rıo (2016 j) men Tokıo Olımpıadasyna (2021 j) qatysqan.

Qytaıdaǵy jarysta Parıj Olımpıadasynyń joldamasyna ár salmaqta fınalǵa shyqqan eki sportshy ıe bolady. Barlyǵy týrnırde 33 memleketten kelgen tańdaýly 96 taekvondoshy kúsh synasady.