Tabysy tómen azamattar úshin qoljetimdi turǵyn úıler salynady
Bul jıynda «Halyqty turǵyn úımen qamtamasyz etýdiń jaıy men perspektıvalary týraly» 2012 jylǵy 7 jeltoqsandaǵy parlamenttik tyńdaýlar qortyndysy boıynsha berilgen QR Parlamenti Májilisiniń usynysyn oryndaý jónindegi máseleler qaraldy. Bul týraly QR Premer-Mınıstriniń baspasóz qyzmetinen habarlaıdy. Keńes jumysyna Parlament Májilisiniń depýtattary, ortalyq atqarýshy organdardyń basshylary,oblystar, Astana men Almaty qalalarynyń ákimderi qatysty.
«Tutastaı alǵanda, turǵyn úı qurylysy máseleleri boıynsha saıasat halyq úshin turǵyn úılerdiń qoljetimdiligin odan ári arttyrýǵa baǵyttalatyn bolady», - dedi B.Saǵyntaev.
QR Parlamenti Májilisiniń usynysyn oryndaý boıynsha qabyldanǵan sharalar týraly Óńirlik damý vıtse-mınıstri S.Nokın sóıledi. Ol «Qoljetimdi turǵyn úı-2020» baǵdarlamasy sheńberinde tabysy tómen azamattardy turǵyn úımen qamtamasyz etý maqsatynda ekonom sanatty shaǵyn úıler salý men paıdalaný týraly sheshim qabyldanǵanyn, sondaı-aq qarjylyq qural sıpatynda halyqqa turǵyn úı jınaq júıesi nemese odan ári satyp alý quqyǵy bar uzaq merzimdik jalǵa alý arqyly beriletinin aıtty.
Keńes barysynda QR Parlamenti Májilisiniń depýtaty D.Nazarbaeva búgingi kúnge usynystyń 70 paıyzynyń oryndalǵanyn, qalǵan máseleler boıynsha Úkimettiń tıisti jumystardy júrgizip jatqanyn atap ótti. Sonymen qatar ol ınvestorlardy áleýmettik úıler salýǵa, sondaı-aq úlgilik áleýmettik nysandar jobalaryn daıyndaýǵa yntalandyrý qajettigine nazar aýdardy.
Keńesti qortyndylaı kele, Premer-Mınıstrdiń birinshi orynbasary múddeli memlekettik organdarǵa jáne oblystar, Astana men Almaty qalalarynyń ákimderine «Qoljetimdi turǵyn úı-2020» baǵdarlamasyn tıimdi júzege asyrýdy qamtamasyz etýdi tapsyrdy.
Sondaı-aq B.Saǵyntaev «halyq úshin asa mańyzdy osynaý máseleni birlesip talqylaý tıimdi sheshimder qabyldaý úshin óte paıdaly» deı kele, parlamenttik tyńdaýlar qortyndylary jáne basqa da mańyzdy máseleler boıynsha usynystardyń oryndalýy barysyn birlesip talqylaý úrdisin odan ári jalǵastyrý tıimdi ekenin atap kórsetti.