«Tabysty otbasy» jobasyna ataýly áleýmettik kómek alýshylar qatysa almaıdy
Pılottyq jobaǵa áleýmettik jaǵdaıy osal toptaǵy otbasylar qatysa alady. Sondaı-aq, kópbalaly jáne tolyq emes otbasy músheleri, erekshe qajettilikteri bar balalardy tárbıelep otyrǵan otbasylar, jalǵyzbasty analar men ákeler, tabysy tómen otbasynan shyqqan jastardyń da baq synap kórýge múmkindigi bar. Olar jańa daǵdylarǵa úırenip, tájirıbelik trenıngterden, sheberlik synyptarynan ótedi jáne óz isine turaqty tálimgerlik súıemeldeýge ıe bolady. Al, jeńimpazdarǵa grant qarjysy zattaı beriledi. ıAǵnı, úzdikter bıznes jobaǵa sáıkes qajetti quraldarmen qamtamasyz etiledi.
Túrkistan oblysyndaǵy Saryaǵash aýdany pılottyq jobaǵa endi. Grant qarjysy talan tarajǵa túspes úshin jeńimpazdarǵa zattaı qoldaý kórsetýdi jón kórdik. Turǵynnyń qaı bıznes baǵytyna eptiligin baıqap, soǵan sáıkes qajetti quraldardy alyp beremiz. Bir aıta keterligi ataýly áleýmettik kómek alýshylar jobaǵa qatysa almaıdy» - dedi úılestirýshi Aıjanı Nurlanova.
Elimizdegi bes óńirge barlyǵy 300 grant qarastyrylǵan. Al, Túrkistan oblysynda 70 qatysýshyǵa qoldaý kórsetiledi. Árbir jeńimpazǵa 450 myń teńgeniń shamasynda qural-jabdyq beriledi. Sondaı-aq, jobaǵa qatysýshylardy spıkerler tegin oqytyp, bıznesti júrgizý barysyn úıretedi. Sońynan qadaǵalap, baǵyt-baǵdar berip otyrady.
«Halyqtyń osal toptarynan shyqqan azamattarǵa óz isin ashýǵa jáne ál-aýqatyn jaqsartýǵa kómektesetin «Tabysty otbasy» qaıyrymdylyq jobasyn qoldaımyz. Jobanyń tabysty júzege asýyna bar kúsh jigerimizdi jumsaımyz», - dedi Túrkistan oblysy ákimniń orynbasary Beısenbaı Tájibaev.