Tabys týraly deklaratsııa tapsyrýǵa 15 qyrkúıekke deıin ýaqyt beriledi

<p>QR Qarjy vıtse-mınıstri Erjan Birjanov qazaqstandyqtarǵa tabys týraly deklaratsııany tapsyrmaǵany úshin jáne salyqtan jaltarǵany úshin qandaı jaýapkershilik kózdelgenin aıtyp berdi, dep habarlaıdy <a href="Kazinform" target="_blank" rel="noopener">Kazinform.</a>&nbsp;</p>

«Deklaratsııany birinshi ret usynbaǵany úshin eskertý, bir jyl ishinde qaıtalap buzǵany úshin 51 750 teńge (15 AEK) kóleminde aıyppul salynady. Deklaratsııada tolyq emes nemese anyq emes málimetterdi birinshi ret usynǵany úshin – eskertý, bir jyl ishinde qaıtalap buzǵany úshin – 10 350 teńge (3 AEK) kóleminde aıyppul kózdelgen», - dedi Erjan Birjanov Senattyń Qarjy jáne bıýdjet komıtetinde ótken otyrysta.

Sondaı-aq jyl ishinde birinshi ret salyq obektilerin jasyrǵany úshin tólenbegen salyq somasynyń 200% mólsherinde aıyppul, qaıtalap buzǵany úshin 300% aıyppul salynady. 

Deklaratsııany turǵylyqty jeri boıynsha 2024 jylǵy 15 qyrkúıekke deıin tapsyrý qajet. Ony «Salyq tóleýshiniń kabıneti», «Elektrondyq úkimet» veb-portaldary, «e-salyqAzamat», Halyk, Bank Tsentrkredıt mobıldi qosymshalary arqyly júrgizýge bolady. 

Aıta keteıik, 2021 jyly 1 qańtardan Qazaqstanda kezeń-kezeńimen jalpyǵa birdeı deklaratsııa engizilgen edi. Bul jyly memlekettik qyzmetshiler jáne olarǵa teńestirilgen adamdar jáne olardyń jubaılary shamamen 580 myń jeke tulǵa deklaratsııa tapsyrǵan edi. Bıyl ekinshi kezeńde – memlekettik organdar men kvazımemlekettik sektor qyzmetkerleri jáne olardyń jubaılary, shamamen 2,1 mln adam qamtyldy. Al úshinshi kezeńde – 2024 jylǵy 1 qańtardan bastap deklaratsııany zańdy tulǵalardyń basshylary men quryltaıshylary (qatysýshylary), jeke kásipkerler, sondaı-aq olardyń jubaılary tapsyrady. Bul shamamen 3,9 mln adamdy qamtıdy.