Tabıǵı monopolııalar týraly jańa zań Parlament qaraýyna 2017 jyldyń maýsymynda engiziledi - Bıshimbaev

ASTANA. QazAqparat - QR Parlamenti Májilisi Ulttyq ekonomıka mınıstri Qýandyq Bıshimbev usynǵan «Qazaqstan Respýblıkasynyń keıbir zańnamalyq aktilerine básekelestik máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasyn birinshi oqylymda maquldady.

Mınıstr qujatta Monopolııaǵa qarsy qyzmettiń mindetin, mártebesi men  jumys tártibin, sondaı-aq basqa elderdiń quqyq qorǵaý organdarymen jáne monopolııaǵa qarsy vedomstvolarymen birigip jumys isteý tetigin aıqyndaý usynylyp otyrǵanyn atap ótti. Eger kelisimder básekelestikke qarsy sıpatta bolsa jáne básekelestikke qaýip tóndirse, zııatkerlik menshikke  aıryqsha quqyqqa qatysty alyp qoıýlardy joıý kózdelgen. Bul, Bıshimbaevtyń pikiri boıynsha,  qazaqstandyq kásipkerlerdi sheteldik taýar óndirýshiniń naqty ókilimen kelisim jasaýǵa májbúrlegen jaǵdaılarda den qoıýǵa múmkindik beredi.

Ol tabıǵı monopolııalar jáne retteletin naryqtar salalaryn tarıftik retteýdiń qoldanystaǵy júıesin  reformalaýsyz  básekelestikti tıimdi damytý múmkin emestigin atap ótti.

Bıshimbaevtyń aıtýynsha, kelesi qadam tarıf belgileý reformasy bolady. Reformanyń birinshi kezeńinde EQDB-men birlesip  halyqaralyq qarjy uıymdarynan qaryz tartatyn sýbektilerdi retteýdiń erekshe tártibi ázirlendi, ekinshi kezeńde sondaı ınvestıtsııalardy  tartatyn  sýbektilerdi retteýdiń erekshe tártibine kóshý kózdeledi.

«Yntalandyrý ádisiniń máni - naqty shyǵyndar baılanystyrýdan bas tartý jáne sýbektilerdi ınnovatsııalarǵa yntalandyrý. Búgingi kúni  osy ádisterdi engizýge 1998 jyly álemdik qarjy daǵdarysy jaǵdaıynda qabyldanǵan  qoldanystaǵy Tabıǵı monopolııalar týraly zań kedergi keltiredi», - dep málimdedi mınıstr.

Ol mınıstrlik tabıǵı monopolııalar týraly jańa zańdy ázirleýge kiriskenin jáne 2017 jylǵy maýsymda ol Parlamentke qaraýǵa engiziletinin atap ótti.