Tabıǵı monopolııa sýbektileriniń satyp alý sharalaryn halyq baqylaıtyn bolady

NUR-SULTAN. QazAqparat – Ulttyq ekonomıka mınıstrligi Tabıǵı monopolııalardy retteý komıteti tóraǵasynyń mindetin atqarýshy Ashat Japsarbaı Tabıǵı monopolııa týraly Zańǵa halyq tarabynan qandaı túzetýler usynylǵany týraly málimet berdi, dep habarlaıdy QazAqparat tilshisi.

«Tabıǵı monopolııalar týraly zańǵa túzetýler engizý úshin byltyrdan beri arnaıy jumys toby qurylyp, jumys istep jatyr. Bıyl sol jumys belsendi jalǵasty. Qoǵam tarabynan 50-den astam túzetý berildi. Sonyń ishinde qandaı túzetýler qabyldanǵan jalpylap aıta óteıin. Birinshiden, tabıǵı monopolııanyń keıbir sýbektilerine ındeksteý tásilin qoldaný týraly usynys qabyldandy. Osylaısha tarıftiń kúrt túsýine jáne onyń ınflıatsııadan asyp ketpeýine tosqaýyl qoıý kózdelgen. Qoǵam tarabynan ıesiz komýnaldyq qyzmet jelilerin, jergilikti ákimdik qarjysyna salynǵan jelilerdi tabıǵı monopolııa sýbektisiniń menshigine berý týraly usynys aıtyldy. Munyń bári tutynýshylar kommýnaldyq qyzmetti úzdiksiz alýy úshin istelip jatyr», - degen komıtet basshysy qoǵamdyq qaýymdastyqtar tabıǵı monopolııa sýbektlieriniń satyp alý sharasyn baqylaýdy usynǵanyn aıtty. Bul usynysty vdeomstvo qoldap otyr.

«Osy sııaqty túzetýlerdi zań jobasyna engizdik. Qazir qujat Senattyń qaraýynda jatyr. Zań jobasy maquldanǵannan keıin tutynýshylar tabıǵı monopolııa sýbektileriniń satyp alý sharalaryn elektrondy rejımde baqylaı alady. Budan basqa da túzetýler túsip jatyr. Olardyń bárin jumys toby tarazylaıdy», - dedi Ashat Japsarbaı.