Tabıǵı monopolııa salasyndaǵy jumyskerlerdiń aılyǵy artady – Álibek Qýantyrov

NUR-SULTAN. QazAqparat – QR Ulttyq ekonomıka mınıstri Álibek Qýantyrov Prezıdent Joldaýyn iske asyrý aıasynda tabıǵı monopolııa salasyndaǵy jumysshylardyń aılyǵyn arttyrý josparlanyp otyrǵanyn málim etti, dep habarlaıdy QazAqparat tilshisi.

«Tabıǵı monopolııalar salasynda naqty reformalar talap etiledi. Bul salany retteýdiń múldem jańa tujyrymdamasy, tarıfti ınvestıtsııalarǵa aıyrbastaý usynylady. Osy reforma aıasynda múlik ıeleri esebinen salǵan salynatyn ınvestıtsılardy ulǵaıtý, tabıǵı monopolııalar men qoǵamdyq mańyzy bar saladaǵy jumyskerlerdiń jalaqy deńgeıin arttyrý, odan ári retteýdi tabıǵı monopolııalar salasyna ozyq ınnovatsııalar engizýdi yntalandyrý jolymen júzege asyrý jáne.t.b. sharalar kózdelgen», - dedi ol Úkimet otyrysynda.

Aıtýynsha, salyq tóleýshilerdiń búkil esepterin tsıfrlyq platformada tapsyrýǵa múmkindik jasalmaq.

«Fıskaldyq retteýdi qaıta júkteý maqsatynda 2023 jyly salyqtyq ákimshilendirýdi túbegeıli qaıta qaraýdy, salyq mindettemelerin oryndaý rásimderin tsıfrlandyrýdy kózdeıtin jańa Salyq kodeksiniń jobasy ázirlenedi», - dedi Álibek Qýantyrov.