Tabıǵatty talqandap jatyr: jetisýlyq belsendiler dabyl qaqty
Jetisý oblysyndaǵy belsendiler Kerbulaq aýdany, Kóksý ózeni mańynda belgisiz bireýlerdiń ózen mańyn arnaıy tehnıkamen qazyp jatqanyn jelige jarııalaǵan edi.
Aıtýlarynsha eshqandaı eskertpesiz áldekimder tabıǵatty búldirip, zańsyz qurylys júrgizip jatyr. Oblys turǵyndary men demalýshylarǵa taptyrmaıtyn mekendi tehnıkamen taptap, tasyn qoparǵandarǵa narazylyq bildirgender májilis depýtattaryna muny nazarǵa alýdy ótindi. Narazy toptyń úndeýine Jetisý oblysynyń tabıǵı resýrstar jáne tabıǵatty paıdalanýdy retteý basqarmasy jaýap berdi.
— Jetisý oblysy Kerbulaq aýdanynda Rýdnıchnyı SES qurylysyn salý úshin 3,7 ga jer ýchaskesi oblys ákiminiń (13.08.2020 j. № 301) qaýlysymen 2025 jyldyń 1 shildesine deıin «EnergoBıldServıs»JShS-ne berilgen bolatyn. Atalǵan joba boıynsha qoǵamdyq talqylaýlar 2024 jylǵy 11-18 naýryz aralyǵynda ótti. Qoǵamdyq tyńdaýlar barysynda jurtshylyq tarapynan eskertýler men usynystar túsken joq. «EnergoBıldServıs» JShS tarapynan Rýdnıchnyı SES-1, 2 qurylysynyń jobalyq qujattamasyntúzetýge (korrektırovka) baılanysty 2024 jylǵy 26 naýryzda jumys jobasyn «Qorshaǵan ortany qorǵaý» bólimi qosylyp, «Jetisý oblysynyń tabıǵı resýrstar jáne tabıǵatty paıdalanýdy retteý basqarmasyna joldandy. Basqarma memlekettik ekologııalyq saraptamanyń oń qorytyndysyn shyǵardy. Qazir basqarma basshysy Kerbulaq aýdany jáne Tekeli qalasy ákiminiń orynbasarlarynyń, sondaı-aq «EnergoBıldServıs» JShS ókiliniń qatysýymen keńes ótkizdi. Jıyn barysynda barlyq mán-jaı anyqtalǵanǵa deıin qurylysty toqtatýǵa, sondaı-aq Rýdnıchnyı SES-1, 2 qurylysy boıynsha múddeli jurtshylyqtyń qatysýymen jınalys ótkizý týraly sheshim qabyldandy», - dedi Jetisý oblysynyń tabıǵı resýrstar jáne tabıǵatty paıdalanýdy retteý basqarmasy.
Eske salaıyq osyǵan deıin Jetisý oblysynda aýanyń lastaný deńgeıi tómen ekenin jazǵan edik.