T.Musabaev elimizdiń Investıtsııalar jáne damý mınıstrliginiń Aeroǵarysh komıtetin basqarady
17:44, 22 Tamyz 2014
ASTANA. QazAqparat - Qazaqstan Úkimetiniń 2014 jylǵy 14 tamyzdaǵy qaýlysymen QR Ulttyq ǵarysh agenttigi Investıtsııalar jáne damý mınıstrliginiń Aeroǵarysh komıteti bolyp qaıta quryldy, dep habarlady jańadan uıymdastyrylǵan vedomstvonyń baspasóz qyzmetinen.
Komıtet aqparatyna qaraǵanda, 2014 jyldyń 13 tamyz kúni QR Premer-Mınıstriniń buıryǵymen Talǵat Musabaev Úkimet basshysynyń azamattyq avatsııa jáne ǵarysh qyzmeti máseleleri jónindegi shtattan tys keńesshisi bolyp taǵaıyndalǵan.
2014 jyldyń 21 tamyzy kúni QR IDM basshysy Áset Isekeshevtiń buıryǵymen T.Musabaev QR Investıtsııalar jáne damý mınıstrligi Aeroǵarysh komıtetiniń tóraǵasy bolyp taǵaıyndaldy.
T.Musabaev - Táýelsiz Qazaq eliniń tuńǵysh ǵaryshkeri, Qazaqstan Respýblıkasynyń Halyq qaharmany, Reseı batyry, QR avıatsııa general-leıtenanty. Ol sońǵy 7 jyl boıy QR Ulttyq ǵarysh agenttigine basshylyq jasaǵan bolatyn.