T.Mansurovtyń «Nursultan Nazarbaevtyń iske asyrylǵan eýrazııalyq jobasy» kitaby tanystyryldy

ASTANA. 22 mamyr. QazAqparat - Búgin elordada ótip jatqan V Astana ekonomıkalyq forýmy barysynda EýrAzEQ bas hatshysy Taıyr Mansurovtyń «Nursultan Nazarbaevtyń iske asyrylǵan eýrazııalyq  jobasy» kitabynyń tusaýkeser rásimi ótti.

Atalǵan kitapta 1994 jyldyń naýryzynda M.Lomonosov atyndaǵy Máskeý memlekettik ýnıversıtetinde alǵash ret QR Prezıdenti Nursultan Nazarbaev usynǵan eýrazııalyq jobasynyń júzege asyrylýy derekti negizde jan-jaqty qarastyrylady.

Avtordyń atap ótýinshe, Elbasy jobasynyń is júzinde naqty júzege asyrylýyna Eýrazııalyq ekonomıkalyq qoǵamdastyq pen Keden odaǵy jáne qalyptasyp kele jatqan  Biryńǵaı ekonomıkalyq keńistik dálel bola alady.

Monografııa avtory óz eńbeginde postkeńestik elder aldynda ashylatyn jańa múmkinshilikter men perspektıvalardyń ekonomıkalyq jáne áleýmettik damýynyń tıimdi basty tetigi retindegi Nursultan Nazarbaevtyń eýrazııalyq jobasynyń tarıhı rólin barynsha ashyp kóretken.

Tusaýkeser rásiminde sóz alǵan QR Prezıdentiniń keńesshisi Ermuhamet Ertisbaev bul eńbekti tek Qazaqstannyń ǵana emes, sonymen qatar basqa da elderdiń joǵary oqý oryndarynda oqý quraly retinde paıdalanýǵa keńes beretindigin basa aıtty.